الجامعة والكاف فرحانين بدياز حيث ربح بطولة الصبليون مع ريال مدريد

عبرت كل من الجامعة الملكية المغربية لكرة القدم والاتحاد الأفريقي للعبة على الفرحة ديالهم بالنجم المغربي براهيم دياز، حيث ربح لقب بطولة الصبليون اليوم السبت مع ريال مدريد.
ونشرت الجامعة الملكية المغربية لكرة القدم تهنئة لبراهيم دياز، باركت له فيها التتويج بلقب البطولة الإسبانية مع ريال مدريد، هو اول لقب له مع الفريق الاسباني اللي جا له الصيف اللي فات، الاتحاد الافريقي لكرة القدم حتى هو بارك لبراهيم دياز، وقال عليه فتدوينة على إنستقرام: "كان السحر ديالو حاسم فالنهار الكبير"، ولمح الكاف بهاد الجملة للماتش الكبير اللي دار براهيم دياز مع ريال مدريد اليوم السبت ضد كاديش بعدما حل المشكل الهجومي فالمباراة وقدر يماركي هدف واعر، وزاد عطى لاليست ديال الهدف الثاني.
وقدم براهيم دياز موسم كبير مع ريال مدريد، وساهم حتى لدابا بتتويج الفريق بلقب لاليگا ال36 فتاريخ النادي، ومركز هو وصحابو على روتور دومي فينال دوري أبطال أوروبا الاربعاء الجاي ضد بايرن ميونخ.