واش انشيلوتي كيلمح لاختيار دياز المغرب بلاما يكعي الصبليون؟ مدرب الريال: منتخب الصبليون عندهم بزاف داللاعبين المزيانين

كتزيد المؤشرات من محيط إبراهيم دياز نجم ريال مدريد تقول انه فطريقو يلعب مع المغرب ماشي اسبانيا، وهذا قبل ايام قليلة من إعلان الناخب الوطني وليد الركراكي على لاليست اللاعبين د المنتخب الوطني استعدادا لوديتي اونگولا وموريتانيا.
اليوم الاحد وبعدما سالا ماتش ريال مدريد ضد سيلتا فيگو ضمن منافسات لاليگا، طرح صحافي فجريدة ماركا الاسبانية سؤال على الطلياني كارلو أنشيلوتي مدرب إبراهيم دياز بخصوص اختيار الأخير واش المغرب او سبانيا وجاوب المدرب الطلياني: "إسبانيا را عندها بزاف د اللاعبين الجيدين....ولكن أنا معارفش اختيار دياز للمنتخب اللي غيلعب ليه".
وكتزيد المؤشرات سوا من محيط إبراهيم دياز وريال مدريد والجامعة الملكية المغربية والإعلام الإسباني، تقول ان اللاعب قرر يلعب للمنتخب المغربي ماشي اسبانيا، وكلشي العالم كيتسنا المنتخب اللي غيختار نجم ريال مدريد.