انشيلوتي: ما عندي علاقة بقرار ابراهيم دياز واختيارو للمغرب او أسبانيا وراه كيفكر

اكد الطلياني كارلو انشيلوتي مدرب ريال مدريد الاسباني، انه ما عندو دخل فالقرار ديال ابراهيم دياز لاعب الفريق الملكي، واش يلعب للمغرب او يلعب لاسبانيا.
وقال كارلو أنشيلوتي مدرب ريال فندوة صحافية اليوم السبت، ملي توجه له لسؤال على إبراهيم دياز على المنتخب اللي غيختارو: "ما عارف والو، ما دويش معه على الموضوع، راه كيفكر فهادشي".
وكيجي هذا التصريح ديال كارلو أنشيلوتي مدرب ريال مدريد، فالوقت اللي كيتسنى المنتخب اللي غيختار إبراهيم دياز، واش المغرب ولا إسبانيا مع العلم ان وسائل إعلام إسبانية معروفة قالت ان اللاعب اختار المغرب.