ها إمتى غايجيو الزمالك للمغرب باش يلعبو الفينال مع بركان وها البروگرام ديالهم

غايجيو الزمالك المصري للمغرب قبل 3 أيام من ماتش لالي ديال فينال كاس الكونفدرالية الإفريقية، اللي غايلعبوه ضد فريق نهضة بركان.
وقررو الزمالك المصري يسافرو من مصر إلى المغرب يوم الخميس الجاي، ويشدو الطيارة من مطار القاهرة الدولي إلى مطار وجدة اللي غيوصلو لها الخميس الجاي، ويمشيو للوطيل اللي غيگلسو فيه فالسعيدية، ويبداو يوجدو للفينال ضد نهضة بركان، وغا تكون عندهم فالمغرب 2 حصص تدريبية على الأقل قبل الماتش.
وغايلعبو نهضة بركان ضد الزمالك المصري لالي ديال فينال كاس الكونفدرالية الافريقية الاحد 12 ماي فتيران بركان، ومن بعدها غيمشي الفريق المغربي يلعب ماتش روتور الفينال ضد الفريق المصري فالقاهرة يوم الاحد 19 ماي.