خريطة المغرب ضربت الكابرانات ألي وروتور ونهضة بركان طلعو للفينال بعد انسحاب اتحاد العاصمة

تأهلو نهضة بركان لفينال كأس الكونفدرالية الإفريقية، بعد انسحاب اتحاد العاصمة الجزائري اللي ما بغاوش يلعبو ماتش روتور المسابقة اليوم الاحد فتيران بركان.
وربحو نهضة بركان ماتش الروتور، بعدما خسرو اتحاد العاصمة الجزائري فورفي فالروترر، حيث ما بغاوش يطلعو للتيران، فالوقت اللي لاعبين نهضة بركان هما والحكام تسناو 20 دقيقة فالممر ديال الملعب ومن بعدها دارو الحكام الرابور ديالهم هما ومندوب الماتش وطلعو لاعبين نهضة بركان دارو دورة فالتيران وسط تشجيعات الجماهير البركانية.
وخافو اتحاد العاصمة الجزائري من تهديدات الكابرانات وخسرو فورفي ألي روتور مع نهضة بركان، حيث فماتش لالي فالجزائر قرر الكاف يلغي الماتش بين الفريقين واعتبر نهضة بركان رابحين واتحاد العاصمة خاسرين بنتيجة 3 لزيرو، حيث السلطات الجزائرية حجزت على تونيات الفريق المغربي حيث فيه خريطة المغرب، والحجز كان فيه خرق لقانون الكاف للي مرخص لتونيات بركان بالخريطة، والفريق الجزائري قرر ينسحب من ماتش الروتور حيث تونيات بركان فيهم الخريطة وخسر بنتيجة 3 لزيرو، وبالتالي الجزائريين تقصاو بنتيجة 6 لزيرو اللي هي مجموع الماتشات بجوج.