بواق الكابرانات بعد الاجتماع التقني: اتحاد العاصمة ما غايلعبوش ماتش الروتور ضد نهضة بركان بسبب خريطة المغرب

كشف الإعلام الجزائري أن اتحاد العاصمة الجزائري ما غيلعبش ماتش الروتور ضد نهضة بركان غدا الاحد فتيران بركان، فروتور دومي فينال كاس الكونفدرالية الأفريقية، حيث الفريق المغربي غيلعب بالتوني ديالو المعتمد من الكاف والخريطة ديال المغرب فالصدر ديالو.
وحسب بواق الكابرانات الجزائريين، ومنهم قناة "الهداف" المتخصصة فالرياضة، ففريق اتحاد العاصمة قرر ما يلعبش الماتش ضد النهضة البركانية، بعدما سالا الاجتماع التقني اللي اكد فيه كل فريق التوني اللي غايلعب به، وحسب نفس المصدر فالسبب حيث نهضة بركان غيلعب بالتوني اللي فيه خريطة المملكة المغربية.
وفحالة رفضو اتحاد العاصمة الجزائري ما يلعبوش الماتش، فالفريق غايخسر بنتيجة 3 لزيرو حتى مات الروتور كيفما وقع فماتش لإلي فالجزائر ملي حجزو الكابرانات على تونيات نهضة بركان، ولكن دابا راه العقوبات غتكون ثقيلة وماشي غير على اتحاد العاصمة ولكن على الأتحاد الجزائري لكرة القدم والاندية والمنتخبات الجزائرية بما فيها المنتخب الجزائري الاول.