مصدر رسمي جزائري ل"الشروق": ما غانخليوش بركان يلعبو بتوني خريطة المغرب

كبرانات الجزائر ناويين يتحداو الاتحاد الإفريقي لكرة القدم، ورافضين ان نهضة بركان يلعبو ضد اتحاد العاصمة الجزائري غدا الاحد فالعاصمة الجزائرية، ضمن ذهاب دومي فينال كاس الكونفدرالية الإفريقية بالتوني ديالهم اللي فيه خريطة المغرب فتحادي للكاف والقوانين ديالو.
وكشفت قناة "الشروق" الجزائرية واللي هي واحدة من أبواق نظام العسكر الجزائري، وحسب مصدر رسمي جزائري، فالكابرانات ما غيخليوش نهضة بركان يلعبو بالتوني ديالهم اللي حاجزين عليه الديوانا الجزائريين، فمطار هواري بومدين.
وكيجي هذا المستجد، بعدما طالب الاتحاد الأفريقي لكرة القدم الجزائر باش ترجع تونيات نهضة بركان للفريق وان التوني اللي فيه خريطة المغرب هو معتمد، وخيرهم بين ان نهضة بركان ياخد التونيات ديالو باش يلعب الماتش، او ان اتحاد العاصمة يخسر المباراة.