ها جديد أزمة تونيات نهضة بركان فالجزائر

غيتحسم اليوم السبت فالعشية فمشكل نهضة بركان اللي خداو لهم كابرانات الجزائر التونيات باش يلعبو ضد اتحاد العاصمة الجزائري فذهاب دومي فينال كاس الكاف، وهو الماتش اللي مبرمج غدا الاحد.
وغيكون اجتماع تقني قبل ماتش نهضة بركان واتحاد العاصمة الجزائري، وهاد الاجتماع التقني كيكون عادة مخصص لتحديد التونيات باش غيلعب كل فريق الماتش.
نهضة بركان اللي غيحضرو المسؤولين ديالو برئاسة حكيم بنعبد الله الاجتماع التقني، باغيين يفاريوها بقرار حاسم من الكاف بخصوص التونيات ديال الفريق المحجوز عليها من السلطات الجزائرية، اما ياخدو تونيات من بوليس مطار هواري بومدين ويلعبو الماتش ويتحترم القانون وإما ما يلعبوش.