اتحاد العاصمة ما بغاوش يطلعو يديرو التسخينات قبل ماتش بركان.. واش ناويين ما يلعبوش

قررو لاعبين اتحاد العاصمة الجزائري ما يدخلوش للتيران البلدي فبركان، باش يديرو التسخينات قبل الماتش، ديال روتور دومي فينال كاس الكونفدرالية الأفريقية.
وكيجي هاد المستجد باش يقوي احتمال أن اتحاد العاصمة الجزائري، ما غايلعبش الماتش ضد نهضة بركان بتحريض من السلطات الجزائرية وما باغيينش يخرجو من الفيستيير، اعتراضا على تونيات نهضة بركان فخرق سافر للقانون حيث التوني معترف به من طرف الاتحاد الافريقي لكرة القدم.
واذا ما تلعبش الماتش بين نهضة بركان واتحاد العاصمة، فالفريق المغربي غايتعتبر رابح بقوة القانون بنتيجة 3 لزيرو، كيفما وقع فماتش الذهاب اللي خسروه الجزائريين فتيرانهم بقرار من الكاف بنتيجة 3 لزيرو لمصلحة بركان حيث الكابرانات حجزو على تونيات الفريق المغربي فخرق للقانون.