اتحاد العاصمة وصلو لتيران بركان والكاف رادين لبال وحاضيين الكبيرة والصغيرة

وصلو اتحاد العاصمة الجزائري للتيران البلدي فبركان، استعدادا لماتش روتور دومي فينال كأس الكونفدرالية الأفريقية اليوم الاحد، ضد فريق نهضة بركان.
ووصلت قبل لحظات حافلة اتحاد العاصمة الجزائري للتيران ديال بركان، باش اللاعبين يديرو التسخينات استعدادا للماتش ضد النهضة البركانية، وسط مراقبة من المسؤولين ديال الاتحاد الأفريقي لكرة القدم اللي مراقبين كل كبيرة وصغيرة، تفاديا لأي خرق ديال القانون، والأكاذيب اللي تقدر تصدر من البعثة الجزائرية فهاد الماتش بتحريض الكابرانات.
وكلشي كيتسنا بداية الماتش بين نهضة بركان واتحاد العاصمة باش يتعرف واش الفريق الجزائري غيلعب الماتش أو أنه غاينساحب تطبيقا لتعليمات الكابرانات بسبب خريطة المغرب اللي دارت لهم عقدة، ويتكرر سيناريو ماتش الالي فالجزائر ملي خسرو بنتيجة 3 لزيزو حيث السلطات الجزائرية حجزت على تونيات نهضة بركان حيث فيهم خريطة المغرب فخرق سافر لقوانين الكاف.