اتحاد العاصمة وصلو لوجدة وبركان استقبلوهم بالورد وخريطة المغرب

وصلت بعثة اتحاد العاصمة الجزائري للمغرب باش يلعبو ضد فريق نهضة بركان هذا الويكاند، ماتش روتور دومي فينال كاس الكونفدرالية الإفريقية.
ونزل الطيارة المصرية اللي كراوها اتحاد العاصمة الجزائري غير دابا فمطار وجدة أنجاد بعد تقريبا ساعة ديال الطريق من مطار هواري بومدين فالجزائر العاصمة.
وكاين فاستقبال بعثة اتحاد العاصمة، رئيس نهضة بركان حكيم بنعبد الله، وأعضاء من المكتب المسير للفريق البركاني، وموجدين گاع الظروف باش الفريق الجزائري يكون مرتاح من نقل وإقامة حتى يلعب ويرجع لبلادو بخير.