أول تعليق من الكاف على إلغاء الماتش بين بركان وUSMA : غنطبقو القانون فهادشي

أكد الاتحاد الإفريقي بشكل رسمي أن القانون غيطبق فواقعة الماتش ديال ذهاب دومي فينال كأس الكونفدرالية الإفريقية، اللي ما تلعبش فالعاصمة الجزائر بسبب حجز السلطات الجزائرية على تونيات نهضة بركان بلا موجب شرع.
وخرج الاتحاد الإفريقي لكرة القدم بأول تعليق على الماتش اللي تم الإلغاء ديالو بين نهضة بركان واتحاد العاصمة، وقال فبلاغ خرجو غير دابا، توصل موقع "كود" بنسخة منو: "لم تلعب مباراة الذهاب ديال نصف نهائي كأس الكونفيدرالية، اللي كان من المقرر إجراؤها يوم الأحد 21 أبريل 2024 بالجزائر العاصمة، بين اتحاد الجزائر ونهضة بركان. وغيتم عرض الأمر على الجهات المختصة".
وقدم الاتحاد الإفريقي الاعتذار ديالو لكل من تضرر من إلغاء الماتش بسبب قصوحية راس الكابرانات وقال: "كيعتذر CAF للرعاة وشركاء البث التلفزيوني والداعمين عن الخسارة اللي تسبب فيه إلغاء الماتش".