السبع لقجع كيتفرج مع رئيس الفيفا ورئيس الكاف ففينال كأس أفريقيا للفوتصال بالتزامن مع إلغاء ماتش بركان و USMA فالجزائر وكولشي تحت السيطرة

حاضر فوزي لقجع رئيس الجامعة الملكية المغربية لكرة القدم، مع جياني إنفانتينو رئيس الاتحاد الدولي لكرة القدم ورئيس الكاف باتريس موتسيبي فينال كاس أفريقيا للفوتصال، اللي بادي دابا فالرباط، بالتزامن مع ذهاب دومي فينال كأس الكونفدرالية بين نهضة بركان واتحاد العاصمة الجزائري فالجزائر.
Loading Ad
00:00
/
00:00
فوزي لقجع وجياني إنفانتينو رئيس الفيفا ورئيس الكاف باتريس موتسيبي ففينال الفوتصال بين المغرب وأنگولا، ومرتاحين خصوصا وأن القانون تطبق فماتش ذهاب دومي فينال كأس الكونفدرالية الأفريقية بين نهضة بركان واتحاد العاصمة، والمباراة ما تلعبتش بين الفريقين، بسبب قصحية الراس ديال كابرانات الجزائري اللي حجزو على تونيات النهضة البركانية، وما بغاوش يرجعوهم فخرق لقانون الكاف.
وكيتعتبر اتحاد العاصمة الجزائري خاسر ماتش ذهاب دومي فينال كوب دافريك أمام نهضة بركان حيث السلطات الجزائرية حجزت على تونيات النهضة البركانية المعتمدة من الكاف، وما بغاوش يرجعوهم ووصلت بهم أنهم مشاو زورو التونيات ديال الفريق المغربي وحيدو منو خاريطة المغرب، وبغاو يلبسو هاد التونيات الميطاسيون للنهضة فمحاولة فاشلة باش يتلعب الماتش ولكن ما تلعبش بقرار من الكاف.