ماتشات البطولة تأجلو حتى يتلعب ثمن نهائي كأس العرش

تقرر تأجيل استئناف ماتشات البطولة الاحترافية لكرة القدم، لسيمانة أخرى، وهذا الشي باش يتلعب ثمن نهائي كاس العرش.
وقرر العصبة الوطنية لكرة القدم الاحترافية تخلي ماتشات البطولة اللي كملت 24 دورة وتوقفت، حتى للسيمانة اللي من ورا الأسبوع الجاي عاد ترجع، بينما تلعبو ماتشات ثمن نهائي كاس العرش، اللي من المنتظر يتلعبو الويكاند الجاي بين 5 و7 أبريل.
للإشارة فماتشات سدس عشر نهائي كأس العرش بداو كيتلعبو هذا الويكاند مباشرة بعد التوقف الدولي الأخير، ومازالين مستمرين، اليوم كاين ماتش بين الوداد الرياضي وشباب السوالم فبرشيد.