ناضت فالشينوا بسبب ميسي وشناوا ما عقلوش على الأرجنتين أبطال العالم

ناضت بين الشينوا والأرجنتين، بسبب الأسطورة ليونيل ميسي اللي ما لعبش مع الفريق ديالو أنتر ميامي المريكاني ضد واحد الفريق شنوي فنونگونگ خلال جولة ديرها الفريق المريكاني فالشينوا.
انتر ميامي المريكاني واخا أكدوا أن سبب غياب ليونيل ميسي على الماتش والبقاء فالاحتياط هو حيث موعت، ولكن الشينوا ما تقبلوش هاذ الأعذار، لدرجة أن الحكومة الصينية هي اللي تدخلت وقررت إلغاء ماتش لمنتخب الأرجنتين بطل العالم فالشيناوا خلال التوقف الدولي شهر مارس الجاي، واللي كان من المنتظر يتلعب ضد الكوت ديفوار او نيجيريا، وبالمقابل كان ميسي كيشارك فماشتات الفريق فالجابون وهادا الشي خلف غضب عند شناوا خصوصا وأنهم مخلصين تقريبا 570 أورو للواحد باش يتفرجو فالنجم الأرجنتيني وما كتابش لهم.
الاتحاد الشينوي لكرة القدم علن أنه ما غيبقاوش يتلعبو ماتشات قال أنه ما غيبقاوش يتلعبو فالشينوا ماتشات مشارك فيها ميسي، وهذا الشي بسبب التصرفات اللي دار مؤخرا، فخطوة لرد الاعتبار الجماهير الشينوية اللي أيدت القرار وفرحت به.