عندو بلاغ من الأنتربول و5 ديال مذكرات الاعتقال ف اسبانيا.. لاگوارديا سيپيل شدو روشيرشي صبليوني قبل ما يهرب للمغرب مخبي ف كوفر ديال طوموبيل

قالت صحيفة ''إل إنديبندينتي'' الإسبانية، أن عناصر من لاگوارديا سيپيل فالمعبر البري ابني نصار شدو، ول البارح، روشيرشي كيحمل الجنسية الإسبانية قبل ما يهرب للمغرب، كان مخبي ف كوفر ديال طوموبيل. الموقوف عندو بلاغ من الأنتربول و5 ديال مذكرات الاعتقال ف اسبانيا. مذكرة منهم صادرة عن المحكمة الوطنية..
وذكرات قيادة الحرس المدني ف مليلية، في بيان صحفي، أنه تم تحديد موقع الرجل فجر الأحد الفايت، وقبل وقت قصير من عبوره إلى المغرب، تم تفتيش طوموبيل ڤولكسڤاگن بولو مسجلة ف اسبانيا سايگينها 2 ديال الساطات، وبعد تقلاب الكوفر ديالها لقاو صاحبنا مخبي فيه..
وبعد البوانتاج ديال هوية الرجل ف قواعد بيانات البوليس اتضح أن السيد خاربها جرائم وهروب من تنفيذ أحكام وعقوبات، وتم العثور بحوزته على باسبور صبليوني ومبلغ 2050 يورو و300 درهم. وتم تقديم هاذ الشخص الحامل للجنسية الإسبانية إلى العدالة..