كشف تقرير لمنظمة سابين لابز الأمريكية بعنوان "The mental state of theworld" أن المغرب جا فالمرتبة 48 فمؤشر الحالة العقلية العالمي لعام 2023. وحسب التقرير المهتم بالصحة العقلية المغرب جا قبل من بريطانيا اللي جات الثانية كأتعس بلد وقبل منها أوزبكستان، المرتبة الأولى. وفالمراكز الأولى، جات جمهورية الدومينيكان المرتبة الأولى كأسعد دولة فالعالم لعام 2023، موراها سريلانكا، تنزانيا، بنما، ماليزيا، ونيجيريا. وبحسب المؤشر، إسبانيا وألمانيا كيتعتبرو أ،كثر بؤسا نفسيا من المغرب بحيث جات إسبانيا فالمركز 51 وألمانيا فالمركز 55. وأشار التقرير أن الصحة العقلية والنفسية فالعالم تدهورات مع كورونا ومن ديك الساعة بقات فأدنى مستوياتها ومكاين حتى شي تطور إلا ف5 دول الوحيدة فقط اللي سجلات تطور. وأوضح التقرير أن السبب وراء تدهور الصحة النفسية فالعالم هو استهلاك الأغدية المعالجة واللي كتسبب ضعف الصحة العقلية وتقدر تسبب حتى فالاكتئاب، بالإضافة لبداية استعمال الهاتف والإنترنت فسن صغير وتفكك الروابط العائلية وهذا ما يفسر إصابة الدول المتقدمة بالتعاسة لسهولة الوصول للإنترنت ولتفكك الارتباط العائلي عندهم.
