اغلبها فالفيزيك.. المغرب هو الرابع إفريقيا فالمنشورات العلمية

جا المغرب فالمركز الرابع إفريقيا، فالفهرس السنوي للبحث العلمي اللي نشراتو المجلة العلمية "Nature"، حول المنشورات العلمية للدول والمؤسسات والجامعات، فنسخة 2021.
ودار المغرب 71 منشور علمي، وجا فالترتيب بعد جنوب إفريقيا ومصر وكينيا.
وكشفات المجلة العلمية أن المنشورات المغربية صادرة على 67 باحث مغربي، منها 50 منشور فالفيزيك، و9 فالبيولوجي، و5 فالشيمي، و4 فالبيولوجي والبيئة.
ونشر المغرب مقالاتو العلمية مع دول خرى منها ميريكان بنسبة 13,95 فالمية، وفرنسا بنسبة 12,61 فالمية، والمانيا بنسبة 10,17 فالمية.
ومازال جنوب إفريقيا كتجي على رأس التصنيف الأفريقي ب392 منشور.
وميريكان مازال كتحتل الصدارة ب29 ألف منشور، موراها الشينوا ب19 ألف منشور، وفالمركز الثالث ألمانيا ب9308، وافضل دولة عربية لحد الساعة هي السعودية ب436 منشور، وجات فالمركز 29.
https://www.natureindex.com/annual-tables/2021/country/all/regions-Africa