موريتانيا مشاركة مع الجزائر والبوليساريو فمگار تندوف

Elouali.zaz.1987@gmail.com
كتشارك موريتانيا والبوليساريو فالنسخة 12 ديال معرض المگار ديال مدينة تندوف اللي كتنظمو الجزائر بشكل سنوي على مدة 10 ايام من 5 مارس حتى 15 من نفس الشهر.
هاد المگار يعد مناسبة لعرض مجموعة من المنتوجات المتنوعة بالإضافة لعقد عدد ديال الندوات واللقاءات الرسمية بين مختلف المشاركين، بحال منتدى رجال الأعمال الجزائريين الموريتانيين وغيرو، والهدف منو هو تعزيز التجارة وإحياء الموروث الثقافي بالمنطقة.
مشاركة موريتانيا وحضور وزير التجارة والصناعة التقليدية والسياحة، لمرابط ولد بناهي، إلى جانب الجزائر و"مسؤول" التجارة ديال جبهة البوليساريو، بشر أحمد عمي عمار، فهاد المگار معتادة وكتم بشكل سنوي وماشي شي حاجة جديدة بحكم العلاقات بين انواكشوط والبوليساريو واللي يرعاها نظام العسكر ومواكبها.
هاد المگار ديال تندوف كيحاول بشكل حثيث نظام العسكر من خلالو تعزيز التعاون مع موريتانيا والزج بالبوليساريو فهاد التعاون وتقوية الروابط الثقافية والتجارية بين هاد الأطراف الثلاثة فإطار هاد التودد لانواكشوط اللي شمل فالفترة الأخيرة أيضا، فتح معابر حدودية وتواصل مستمر بين نظام العسكر مع القيادة الموريتانية سعيا لاستمالتها فيما يخص الموقف من نزاع الصحراء.