غادي تمشكل مع المغرب والجزائر والبوليساريو.. موريتانيا متخوفة من رئاسة ولد الغزواني للإتحاد الأفريقي

Elouali.zaz.1987@gmail.com
قدمات الحكومة الموريتانية توضيحات حول قضية ترشيح الرئيس الموريتاني لرئاسة الإتحاد الأفريقي كممثل لشمال أفريقيا فالقمة ديال نهار السبت الجاي.
وقال وزير البترول والمعادن والطاقة، الناطق باسم الحكومة، الناني ولد اشروقه، أن الرئيس الموريتاني، محمد ولد الغزواني، تم ترشيحو رشح لرئاسة الاتحاد الإفريقي خلال الدورة القادمة، ولكنه مازال ما ترشحش.
وأضاف الناطق باسم الحكومة، الناني ولد اشروقه، أن دول مجموعة شمال إفريقيا في الاتحاد الإفريقي رشحت الرئيس ولد الغزواني للرئاسة الدورية للاتحاد الإفريقي، من بعد ما تسالي فترة جزر القمر فالقمة 37 ديال الإتحاد الأفريقي نهار السبت الجاي.
تصريح الحكومة الموريتانية فيه نوع من التردد فأنه الرئيس الموريتاني ياخد الرئاسة بحكم التوجس من الوقوع بين المغرب والجزائر وجبهة البوليساريو اللي عندها عضوية الإتحاد الأفريقي، الشي اللي ممكن يخلق توتر فالعلاقات بين انواكشوط مع هاد الأكراف ديال نزاع الصحراء، بالإضافة لجدول أعمال القارة اللي عامر مشاكل بحال اللي فالكونغو ومالي والنيجر والسودان والسنگال وغيرها.
الترشيح ديال موريتانيا من طرف دول شمال أفريقيا لرئاسة الإتحاد الأفريقي، جا باش ما يوقعش خلاف بين المغرب والجزائر فظل تدهور العلاقات بين الجانبين، خاصة وأنهما بجوج ممكن يترشحو، ولكن غادي يخلق مشاكل لانواكشوط والرئيس ولد الغزواني.
وتنعقد قمة الاتحاد الإفريقي السابعة والثلاثين في العاصمة التثيوبية، أديس أبابا، يومي 17 و18 فبراير الجاري، وكيشارك فيها المغرب ممثلا بوزير الشؤون الخارجية والتعاون الأفريقي والمغاربة المقيمين في الخارج، ناصر بوريطة.
ويذكر أن الإتحاد الافريقي مقسم إلى خمس مناطق، منطقة الشمال اللي فيها المغرب والجزائر وغيرو ومنطقة الجنوب ومنطقة الوسط ومنطقة الغرب ومنطقة الشرق، بحيث يتم انتخاب رئيس بالتناوب لمدة سنة من كل منطقة.