بنعياد: المهم هو الرجا ربحت وما عندناش مشكل فالهجوم ونتمنى يسمحو لجمهورنا يحضر معنا الماتشات الجايين

عبر مهاجم الخضرا الجزائري رياض بنعياد على الفرحة ديالو حيث ربًح الرجا الرياضي فماتش أولمبيك آسفي بهدف قاتل، خلاه يبقى قريب من مصادرة البطولة الاحترافية اللي كينافس على لقبها.
وهضر رياض بنعياد بعدما سالا ماتش الرجاء وأولمبيك آسفي بواحد لزيرو بهدف ماركاه هو بعدما دخل فبلاصة المهدي موهوب وقال فتصريح لميكرو "كود": "الحمد لله على 3 بوان هذا الشي هو المهم، والماتش ضد أولمبيك آسفي كان صعيب والدخول ديالي كان موفق خصوصا، وأنني عام ما لعبتش، المهم هو الفريق ربح وخدينا 3 بوان ودابا غنزيدو نخدمو على الماتشات الجايين".
وكمل مهاجم الرجاء: "كنتأسفو حيث الجمهور ما كانش اليوم والمهم فرحناهم بثلاثة نقاط، وإنشاء الله يسمحو لهم يجيو الماتشات الجايين، ويكونو حافز لنا باش نزيدو نربحو المباريات المقبلة، الرجاء ما عندهمش مشكل فالهجوم، الفريق لاعب على المرتبة الأولى وكلهم كيماركيو والله يوفقنا".