كأس محمد السادس.. أولمبيك أسفي ضيع الربح والرفاع البحريني فرحان بالتعادل

أولمبيك أسفي ضيع الربح فالمتناول على الرفاع البحريني اليوم الجمعة بملعب المسيرة، ضمن ذهاب الدور 32 من مسابقة كأس محمد السادس للأندية العربية.
الماتش سالا بواحد لواحد، بعدما كان أولمبيك أسفي سباقا إلى التسجيل بواسطة كوفي بوا، مستغلا ارتباك فدفاع الرفاع البحريني. وكان بإمكان الفريق المسفيوي تسجيل أهداف اخرى، لكن المهاجمين ديالو ضيعوا فرص كثيرة.
الفريق البحريني قام بمحاولات جادة فالشوط التاني، ونجح باش يسجل التعادل عن طريق الخطأ ارتكبو المدافع المسفيوي مراد الناجي فالدقيقة 73.
الماتش ديال الروتور غادي يكون صعيب لأولمبيك اسفي، لحقاش خاصو يربح فالبحرين أو يتعادل على الأقل بجوج لجوح.
زكرياء لهلالي، لاعب اولمبيك أسفي أكد فتصريحات صحافية بعد الماتش، أن الفريق ديالو كان عليه يحافظ على نتيجة واحد لزيرو على الأقل، خصوصا أن الماتش ديال الروتور غادي يكون صعيب بزاف.