بوميل: خاصنا نتقاتلو في مالي باش ندوزو واللعابة غادي يكونو رجال

باتريس بوميل، مدرب المنتخب الأولمبي، أكد أن الماتش ديال الروتور غادي يكون صعيب بزاف نهار الثلاثاء المقبل.
وأكد بوميل أن مباراة الذهاب كانت صعبة على اللعابة المغاربة، لأن الماليين قويين ومنسجمين، لأنهم لعبوا بيناتهم مدة طويلة.
بوميل اعترف بصورة المباراة لي كاتسنا المنتخب الأولمبي في باماكو، لأن التعادل واحد لواحد في مصلحة الماليين، لهذا لا بد من التسجيل في باماكو “خاصنا نماركيو في مالي، وغادي نمشيو باش نتقاتلو واللعابة غادي يكونو رجال”.
بوميل، واخا التعادل عندو ثقة باش يرجع المنتخب بالتأهل رغم صعوبة المهمة “عندنا لعابة مزيانيين قادرين على الفوز في مالي”.
وبخصوص الطريقة، لي لعب بها المنتخب المغربي، أكد بوميل أن إصابة نصير مزراوي خربقات الاوراق ودفعتو باش يدير تغييرات في ليبوست، بعدما رجع اشرف حكيمي يلعب في وسط الميدان والهجوم.
الكاليفيكاسيون بدا كيبعد على المنتخب الوطني، بعدما ضيع فرصة الفوز بميدانو وخاص مجهودات كبيرة باش يحقق الفوز والتاهل، وهادشي ما شي مستحيل، لأن الكرة ما فيهاش المنطق.