الرجاء ربحو أولمبيك آسفي بهدف قاتل فماتش بارد وقربو من الصدارة

ربحو الرجاء الرياضي الماتش ديالهم ضد أولمبيك آسفي اليوم الأحد فتيران برشيد، ضمن الدورة 22 من البطولة الاحترافية لكرة القدم.
وسالا ماتش الرجاء الرياضي وأولمبيك آسفي بنتيجة واحد لزيرو لمصلحة الخضرا، والهدف ماركاه الجزائري رياض بنعيادة فاللحظات الأخيرة من المباراة، وفأول ماتش له مع النسور بعدما دخل بلاصة المهدي موهوب، مع العلم أن أولمبيك آسفي كانو يقدرو يديرو المفاجأة فهاد المباراة، وماركاو هدف فالشوط الأول حيدو لهم الحكم و var بداعي التسلسل، وراه المستوى فالماتش كان ضعيف بزاف والأجواء كانت باردة بسبب غياب الجمهور، حيث الرجاء اللي مدخلين معاقبين بالويكلو.
الرباح ديال الرجاء الرياضي اليوم خلاه يحافظ على الحظوظ ديالو فالمنافسة على لقب البطولة الاحترافية ورفعو رصيدهم ل48 نقطة على بعد نقطة واحدة من الجيش الملكي المتصدر مع العلم أن ليفار عندهم ماتش مؤجل، أما أولمبيك آسفي ومن بعد هذا التعادل بقات عندهم 31 نقطة وكيحتلو المركز 5.