الوداد ربحو التواركة وقربو من الصدارة

ربحو الوداد الرياضي الماتش ديالهم ضد اتحاد التواركة اليوم الثلاثاء فتيران مولاي الحسن فالرباط، ضمن مؤجل الدورة 8 من البطولة الاحترافية وقربو من الصدارة.
وتسناو الوداد الرياضي اللحظات الأخيرة من الماتش ضد التواركة بهدف قاتل ماركاه ايوب العملود بعد تمريرة حاسمة من زهير المترجي، مع العلم التواركة ماركاو قبل منها هدف وحيدو الحكم بداعي التسلل.
الرباح ديال الوداد الرياضي اليوم، مهم بزاف وخلا الفريق يزكي الاستفاقة ديالو مؤخرا، ورفع الرصيد ديالو إلى 19 نقطة، وعلى بعد 4 نقاط من المتصدر الرجاء والجيش الملكي، وطلع للمركز الرابع، اما التواركة بقات عندهم 14 نقطة وكيحتلو المركز التاسع.