البطولة رجعات: الفتح ربحو المحمدية وطلعو للصدارة فماتش تلعب بلا مدربين

ربحو الفتح الرياضي اليوم الجمعة الضيوف ديالهم شباب المحمدية، برسم الدورة 7 من البطولة الاحترافية لكرة القدم.
وسالا الماتش بين الفتح وشباب المحمدية، اللي تلعب فتيران الامير مولاي عبد الله فالرباط، بنتيجة واحد لزيرو لمصلحة الرباطيين، ماركاه لهم حمزة هنوري فالدقيقة 5، وحافظوا عليه حتى سالات المباراة اللي عرفت غياب مدرب الفتح جمال السلامي بسبب وفاة الأب ديالو، وغياب رشيد روكي مدرب شباب المحمدية حيث موقف 3 الماتشات.
وبهذا الرباح خداو الفتح الرياضي 3 النقاط، رفعوا بها رصيدهم إلى 14 نقطة وطلعو مؤقتا للصدارة في انتظار اكملو ماتشات الدورة 7، أما شباب المحمدية تجمد رصيدهم فالنقطة عند 7 النقاط، وكيحتلو مؤقتا المركز المركز 9.