الوداد خرجو رابحين آسفي فالشوط الأول بدونو والتعادل بمدينة فاس ما بين الجيش الملكي والماص

خرج الوداد الرياضي رابح الشوط الأول فالماتش ديالو مع اولمبيك آسفي بنتيجة 2 لزيرو اليوم بستاد دونور، برسم الدورة 28 من البطولة الإحترافية لكرة القدم.
وكانوا أولمبيك آسفي هم الاولين اللي ماركاو بهدف على غفلة من فراب ديال محمد المرابط فالدقيقة 4، ولكن الوداد جابو التعادل بهدف ماركاه لاعب أولمبيك آسفي مونصف عامري على راسو فالدقيقة 14، وماركا جلال الداودي الهدف الثاني للواك برأسية فالدقيقة 19، وكان الوداد يقدر يزيد أهداف أخرى ولكن اللاعبين ديالو ضيعو الفرص بسبب قلة التركيز والتسرع.
وفنفس التوقيت اللي ملعوب فيه ماتش المطارد الوداد مع اسفي، بادي ماتش المتصدر الجيش الملكي ضد المغرب الفاسي بمدينة فاس، وسالا الشوط الأول من هذا الماتش زيرو لزيرو بين الفريقين، وفحالة سالاو الماتشات بجوج بنفس النتيجة اللي عليها الشوط الأول فغتكون فمصلحة الوداد الرياضي حيث الفارق مع الجيش الملكي غيتقلص من 3 بوان إلى نقطة واحدة.