إمكانية انسحاب البام من الحكومة مع صعود المنصوري.. ها تعليق الناطق الرسمي باسم الحكومة

رد مصطفى بايتاس، الناطق الرسمي باسم الحكومة، على ما لوحت به فاطمة الزهراء المصنوري، المنسقة الوطنية لحزب الأصالة والمعاصرة حول إمكانية مناقشة انسحاب حزبها من الحكومة، (رد) بالقول بلي هادشي لم يناقش داخل مجلس الحكومة.
البام منذ انتخاب القيادة الجماعية بزعامة المنصوري، ذخل سخون ودار بلاغ سياسي يوم الاثنين الماضي، هضر فيه على سياسة التشغيل ودافع على حصيلة الوزير المكلف بقطاع التشغيل يونس السكوري، فالوقت لي علن فيه رئيس الحكومة عزيز أخنوش بلي غايكون موضوع التشغيل هو الأولوية ديالو فهاد المرحلة، فمساج قوي للوزير السكوري بلي خاص العمل والاجتهاد باش ماتزيد البطالة كثر فالبلاد.
العلاقة بين البام والأحرار فالحكومة كتعرف الهبوط والصعود والكر والفر، ومع اقتراب السنة الانتخابية غاتزيد تشعل بيناتهم.