مؤتمر البام..قيادي ل"گود": الترشيحات لمنصب الأمين العام غاتبدا نهار الجمعة ومزال حتى واحد معلن الترشح ديالو

علمت "گود" أن اللجنة التحضيرية للمؤتمر الوطني الخامس لحزب الأصالة والمعاصرة، حددت يوم الجمعة تاريخ وضع الترشيحات لمنصب الامانة العامة للحزب.
وقال مصدر قيادي ل"گود" بلي لحدود الساعة مكاين حتى شد حد علن الترشيح ديالو لمنصب الامين العام، وان فاطمة الزهراء المنصوري لم تعلن بعد عن ترشحها.
المؤتمر الوطني الخامس لحزب الأصالة والمعاصرة، غايكون أيام 9 – 10 – 11 فبراير 2024 بالمركب الدولي للشباب والطفولة بمدينة بوزنيقة.
اللجنة التحضيرية لي كيترأسها سمير كودار، وجدات كولشي من لوجستيك وتنظيم وتمويل لهاد المؤتمر لي غايكون استثنائي من حيث انه مرور سنتين ونص من اول مشاركة للحزب فالحكومة وفسياق نقاش داخلي حول مستقبل البام لي تلقى ضربات سياسية مؤخرا.
الصراع كاين بين جوج محامين فالبام، المنصوري ووهبي، لحد الساعة ممعروفش شكون يقدر يترشح وينال ثقة الجميع.