غير جمهور الرجا اللي غيكون فماتش الخضرا ضد الحسنية والجماهير السوسية ممنوعة

غيكون جمهور الرجاء الرياضي بوحدو اللي حاضر فماتش الفريق ضد حسنية أكادير الأربعاء الجاي فتيران برشيد برسم الدورة 20 من البطولة الاحترافية لكرة القدم، وجمهور الفريق السوسي ما غيحضرش.
وقررت السلطات العمومية ديال مدينة برشيد، أن الماتش بين الرجاء الرياضي وحسنية أكادير فتيران برشيد، يتلعب بحضور جماهير الرجاء كفريق مستقبل مع عدم التصريح بحضور جماهير الفريق الضيف اللي هو حسنية أكادير.
للإشارة، فماتش الرجاء وحسنية أكادير غيتلعب مع 4 من عضر الاربعاء الجاي، وهذا هو الماتش الثاني على التوالي اللي كترخص فيه سلطات برشيد لجماهير الرجاء تحضر، بعد الماتش الماضي ضد المغرب الفاسي، وكانت منعت فيه جمهور الماص من الحضور كيف ما منعت دابا جمهور حسنية أكادير.