البطولة: الكزاز لاعب ماتش الرجاء والحسنية وبوسليم فالوداد والزمامرة وكربوبي رجعت تحكم

حددت لجنة التحكيم التابعة العصبة الوطنية لكرة القدم الاحترافية، حكام ماتشات الدورة 5 من بطولة القسم الاول، واللي غتبدا اليوم السبت وغتبقى ملعوبة حتى الخميس الجاي.
ومن بين أهم الماتشات اللي ملعوبين فالدورة 5، كاينة مباراة الرجاء وحسنية اكادير غدا الاحد فتيران أدرار فأكادير، وتعين فيها الحكم سمير الكزاز باش يلعبها.
أما ماتش الوداد الرياضي وفريق نهضة الزمامرة فتيران مركب محمد الخامس بالدار البيضاء الاربعاء الجاي، تعين فيه الحكم ياسين بوسليم.
وبخصوص القمة بين المتصدرين البطولة الاحترافية الجيش الملكي ونهضة بركان، واللي الماتش ديالها غيتلعب الاربعاء الجاي، غيلعبها الحكم الداكي الرداد فتيران البشير فالمحمدية.
للإشارة، فالحكمة بشرى كربوبي، غترجع تحكم ماتشات البطولة، بعدما غابت من بطولة الموسم الماضي، وغتكون فماتش اولمبيك اسفي مع شباب المحمدية، اللي غيكون اليوم السبت فتيران المسيرة الخضرا فاسفي.