بقرار من السلطات.. ماتش حسنية أكادير والمغرب التطواني حتى هو ويكلو بلا جمهور

غيتلعب ماتش حسنية أكادير والمغرب التطواني هذا الويكاند ضمن الجولة 3 من منافسات البطولة الاحترافية، ويكلو بلا ما يحضر له الجمهور.
وعلن المغرب التطواني غير دبا من صباح اليوم الجمعة، أن السلطات المحلية لاكادير قررت يتلعب الماتش ديال الفريق مع حسنية أكادير غدا السبت فتيران أدرار بدون حضور الجمهور.
وهذا هو الماتش الثاني حتى الآن، اللي غيغيب فيه الجمهور بعدما تمنع الجمهور أيضا من حضور ماتش اتحاد طنجة ومولودية وجدة اللي غيتلعب فتيران سانية الرمل فتطوان ضمن نفس الجولة هذا الويكاند.