الرجاء خرجو تذاكر ماتش الماص للبيع بعد موافقة سلطات على حضور الجمهور

حطو الرجاء الرياضي تذاكر ماتش الفريق ضد المغرب الفاسي، وهو الماتش اللي غيتلعب الاربعاء الجاي فتيران برشيد ضمن الدورة 18 من البطولة الاحترافية.
وبعدما توصلو الرجاء الرياضي بقرار سلطات مدينة برشيد للسماح للفريق باش يدخل الماتش ضد الماص بالجمهور، قررت ادارة الرجاء تخرج تذاكر الماتش للبيع.
وحددت ادارة الرجاء اتمنة تذاكر الماتش ضد المغرب الفاسي، ما بين 50 درهم و 150 درهم، مع العلم انه مدة هادي وجمهور الخضرا ما كيحضرش ماتشات الفريق بقرار من السلطات.