برشيد استغلوا استقبالهم للرجاء فكأس العرش وطلعوا ثمن التذاكر

غتنطلق عملية بيع تذاكر ماتش الرجاء الرياضي ويوسفية برشيد اللي غيستقبلو تيران الأخير ببرشيد الأربعاء الجاي، برسم دور 16 من كأس العرش، قبل يوم واحد والاثمنة بحالها بحال الثمن باش كيدخل جمهور الرجاء لدونور.
وقرر فريق يوسفية برشيد يطلق عملية بيع تذاكر الماتش ديالو ضد الرجاء الرياضي فكأس العرش يوم الثلاثاء المقبل مع 9 الصباح أي قبل بيوم من إجراء اللقاء اللي غيتلعب الأربعاء المقبل.
الأثمنة ديال الماتش حددتهم إدارة يوسفية برشيد فمبلغ 50 درهما للمدرجات المكشوفة وهذا نفس الثمن باش كتدخل جماهير الرجاء لستاد دونور واخا أن تيران برشيد ماشي بمواصفات ستاد دونور.
وتحدد مبلغ 100 درهم كثمن للمنصة الجانبية، و 300 درهم للمنصة الشرفية، وغيكونوا تذاكر جمهور برشيد فشبابيك الملعب البلدي برشيد وتذاكر جمهور الرجاء فتيران الرجاء بالوازيس.