الرجاء حطات لجمهورها تذاكر ماتش التواركة للبيع وها شحال الثمن

غتنطلق اليوم الجمعة، عملية بيع تذاكر ماتش الرجاء الرياضي وضيفو إتحاد التواركة عن الدورة 17 من الدوري الإحترافي المغربي لكرة القدم، وهو الماتش اللي غيتلعب الأسبوع المقبل.
وحددت إدارة الرجاء الرياضي ثمن تذاكر الماتش ضد إتحاد التواركة فمبلغ 50 درهم للمدرجات المكشوفة، ومبلغ 130 درهم للمنصة الجانبية، ومبلغ 600 درهم للمنصة الشرفية.
الماتش ما بين الرجاء الرياضي واتحاد التواركة غيتلعب نهار الأربعاء المقبل مع 8 ونص ديال الليل فستاد دونور، وهادشي من بعدما يرجع الفريق من السفر ديالو حيث مشى لتنزانيا يلعب عصبة أبطال إفريقيا ضد سيمبا.