بداو الوداد الرياضي كيوجدو لماتش گلاكسي البوتسواني اللي غيلعبوه فبوتسوانا السبت الجاي، ضمن الجولة 5 من دوري أبطال إفريقيا لكرة القدم. وحدد الطاقم التقني للوداد الرياضي حصص تدريبية منتظمة للاعبي الفريق، قبل السفر إلى بوتسوانا وملي يوصلو بها تحضيرات للماتش ضد كلاكسي، وراه بداو الواك من دابا كيوجدو بحصة تدريبية اليوم الاحد حيدو بها العيا بعد ماتش البارح فالبطولة ضد نهضة بركان اللي ربحوه بواحد لزيرو. وللإشارة، وكيفما كشف موقع "گود" فوقت سابق، فالوداد الرياضي ونهضة بركان غيسافرو بجوج فطيارة خاصة واحدة لبوتسوانا وجنوب إفريقيا يوم 21 من هاد فبراير، باش الأول يلعب مع كلاكسي البوتسواني يوم السبت 24 فبراير فشومبيونزليك، والثاني يلعب ضد سيخوخون الجنوب إفريقي يوم الاحد يوم 25 فبراير.
