الكاف عين حكام الماتش المصيري بين الوداد وگلاكسي فبوتسوانا

عين الاتحاد الإفريقي لكرة القدم الطاقم التحكيمي اللي غيلعب ماتش الوداد الرياضي المصيري ضد گلاكسي البوتسواني فبوتسوانا، يوم 24 فبراير 2024 ضمن الجولة الخامسة من دور مجموعات دوري أبطال إفريقيا.
وكلف الاتحاد الأفريقي طاقم تحكيمي من كينيا باش يلعب ماتش الواك ضد گلاكسي، مكون من بيتر واويرو كحكم ساحة، ومعه الحكم المساعد الأول جيلبيرت شيريوت، والحكم المساعد الثاني ستيفان ييمبي، والحكم الرابع هو ميميزا ديكن.
وكتعتبر المباراة مصيرية بالنسبة للوداد الرياضي اللي كيحتل المركز الاخير ب 3 نقاط، وخاصو يربح باش يحافظ على الامال ديالو فالتأهل إلى ربع نهائي دوري أبطال افريقيا، قبل ما يرجع للمغرب يلعب مع أسيك ميموزا الايفواري، واللي مطالبين الواك باش يربحوهم إذا بغاو يتكاليفاو كثاني الگروب الثاني.