التواركة دارو زوين مع ليفار بتعادلهم ضد الرجاء اللي ضيعو 2 نقاط مهمة

طاحو الرجاء الرياضي فنتيجة التعادل مع المضيف ديالهم اتحاد التواركة، ودابا الفريق ولا مهدد يفقد صدارة البطولة الاحترافية لكرة القدم لمصلحة الجيش الملكي.
وسالا ماتش الرجاء الرياضي واتحاد التواركة اللي تلعب فتيران مولاي الحسن فالرباط، بنتيجة التعادل السلبي زيرو لزيرو، وما قدروش الفراقي بجوج يوصلو للمرمى طيلة ال90 دقيقة.
الرجاء الرياضي وبعد هذا التعادل السلبي اللي بطعم الخسران خداو غير نقطة واحدة، رفعوا بها رصيدهم من النقاط ل41 نقطة وكيحتلو المركز الاول مؤقتا في انتظار ماتش الجيش الملكي المنافس ديالو ضد مولودية وجدة، اما التوركة ولات عندهم 27 نقطة وكيحتلو المركز 7.