الخنوس ما غيفوتش الصيف فبلجيكا: كبار أوروبا تابعينو ولايبزيگ باغيين يزربو عليه وجينك كيتشرطو

قرب الموهبة المغربية بلال الخنوس لاعب جينك البلجيكي ينتقل لفريق أكبر فأوروبا، وكاينين فرق أوروبية كبيرة متبعينو وباغيين ياخدوه.
وحسب "بيلد" الألمانية، فبلال الخنوس مول 19 عام اللي عندو موهبة كبيرة، مهتمين به كل من ليفربول وتوتنهام من النگليز، وحتى أتليتيكو مدريد الإسباني وأندية أخرى من غيرهم، ومن بين الفرق اللي باغيين يسنيو معه، كاين باير ليفركوزن ولايبزيگ من ألمانيا، ولكن الأخير بين بلي باغيي خدمات الخنوس.
نفس المصدر، وضح أن بلال الخنوس ما غيفوتش الصيف الجاي مع جينك البلجيكي وأن لايبزيگ الألماني هو القريب من بلال الخنوس وباغي يوصل إلى اتفاق مع جينك البلجيكي اللي كيطالب بمبلغ 35 مليون أورو، باش يتنازل على خدمات النجم المغربي الصاعد.