بلال الخنوس باغينو ليفربول وتوتنهام

داخل الدولي المغربي الشاب بلال الخنوس نجم جينك البلجيكي اهتمام 2 اندية انجليزية كبيرة، اللي باغيا تحصل على الخدمات ديالو مستقبلا.
وكشف موقع Corriere dello sport الطالياني، ان بلال الخنوس النجم الصاعد فالمنتخب الوطني المغربي وفريق جينك البلجيكي، باغينو ليفربول وتوتنهام، وان الفريقين بجوج مهتمين، فالوقت اللي محدد جينك البلجيكي مبلغ 28 مليون اورو كمبلغ باش يبدا يتفاوض للتنازل على خدمات اللاعب المغربي.
وكيتعتبر بلال الخنوس من النجوم الصاعدين فأوروبا، اللي كلشي كيتسنا له مستقبل كبير، مع العلم ان ما بغاش ينتقل الموسم الماضي من جينك البلجيكي وقرر يزيد يلعب فيه.