الوداد بداو كيوجدو للفتح واستئناف البطولة بنتيجة مزيانة

غيبداو الوداد الرياضي كيوجدو لماتش الفريق الأحمر ضد الفتح الرياضي الاربعاء الجاي، ضمن الدورة 16 من البطولة الاحترافية، واللي غتستانف بها البطولة بعد 3 السيمانات من التوقف بسبب مشاركة المنتخب فكوب دافريك.
وغيرجعو لاعبين الوداد الرياضي اليوم الاحد للتداريب بقرار من المدرب فوزي البنزرتي، اللي برمج لهم حصة تدريبية اليوم بعدما استافدو من يومين راحة خداوها باش يرتاحو بعد المعسكر التدريبي اللي كان داير الفريق خلال مرحلة توقف البطولة.
وغيتدربو الوداد الرياضي من اليوم الاحد حتى الثلاثاء الجاي فتيران بنجلون ويشدو الطريق للرباط فين غيلعبو مع الفتح الرياضي فتيران مولاي الحسن، فماتش مهم بالنسبة للفريقين.