أمرابط: كين الصهد فالكوت ديفوار وباغيين نحققو انجاز حسن مونديال قطر

أكد الدولي المغربي سفيان أمرابط ان الاجواء داخل معسكر المنتخب المغربي فالكوت ديفوار مزيانة قبل من كوب دافزيك، واخا كاينة الصهد، وقال بلي غيديرو اللي فجهدهم باش يحققو انجاز حسن من دومي فينال مونديال 2022.
وتحدث سفيان امرابط خلال الحصة التدريبية الثاني للمنتخب المغربي فمدينة سان بيدو الايفوارية، وقال للموقع الرسمي ديال الجامعة الملكية المغربية لكرة القدم: "الاجواء زوينة والجو حار بزاف وكنتدربو مزيان باش نكونو واجدين، وكلشي عارف ان كوب دافريك ماشي مسابقة ساهلة".
ووجه سفيان امرابط رسالة للجماهير المغربية، وقال: "هدفنا هو نفرحو المغاربة، والميساج ديالي للشعب المغربي هي أننا مشتركين فهاد النسخة من كوب دافريك باش نعطيو اللي عندنا ونديرو انجاز كبر من اللي درنا فمونديال قطر".