الخنوس: انجاز مونديال قطر درناه ورانا وخدامين باش نفرحو الشعب فالمستقبل

اكد الدولي المغربي بلال الخنوس ان الاجواء داخل المنتخب الوطني المغربي فدار السلام، قبل ماتش تنزانيا الثلاثاء الجاي ضمن اقصائيات مونديال 2026، زوينة وكاع اللاعبين كيوجدو باش يفرحو الشعب، وان صفحة انجاز مونديال قطر ولات من الماضي ودابا كيوجدو يكتبو التاريخ فالمستقبل.
وتحدث بلال الخنوس فتصريح للموقع الوشيحي ديال الجامعة الملكية المغربية لكرة القدم، خلال الحصة التدريبية الاولى للأسود فتنزانيا وقال: "الاجواء زوينة فالكروب جينا البارح فالليل واليوم درنا شوية التمارين ولعبنا بالكورة وخدامين باش نكونو واجدين لماتش تنزانيا".
وكمل بلال الخنوس: "كلشي مزيان وكنخدمو باش نفرحو الشعب وكلشي يكون فرحان.. كتبنا التاريخ فالمونديال الماضي وسالات هاديك النسخة، و دابا خاصنا نكونو واجدين للتحديات المقبلة بحال لاكوب دافريك واقصائيات مونديال 2026، باش نديرو شي حوايج كبيرة فالمستقبل".