الزلزولي: ها كيفاش كيوجد المنتخب المغربي فتنزانيا

اكد الدولي المغربي عبد الصمد الزلزولي ان الاجواء داخل المنتخب الوطني المغربي فتنزانيا زوينة، والكروب كامل كيوجد مزيان لماتش المنتخب التنزاني ضمن اقصائيات مونديال 2026، باش يربحو.
وتحدث عبد الصمد الزلزولي فتصريح للموقع الرسمي ديال الجامعة الملكية المغربية لكرة القدم خلال الحصة التدريبية الاولى ديال ليكيب ناسيونال فدار السلام وقال: "وصلنا بكري لتنزانيا باش نولفو على الاجواء المناخية والطقس وكنوجدو مزيان باش نلعبو ضد منتخب تنزانيا ضمن اقصائيات المونديال".
وزاد وضح الزلزولي وقال: "حنا واجدين لهذا الماتش وكنخدمو اون كروب، وكتسنانا كاس أمم أفريقيا حتى هي ولكن لكل منافسة وقتها المناسب".