ساديو ماني: كوب دافريك فالكوت ديفوار غتكون أقوى دورة فتاريخ البطولة وصعيبة فيها المنافسة

اعتبر كابيتان السنغال ساديو ماني ان النسخة المقبلة من كاس أفريقيا فالكوت ديفوار، غتكون من أقوى الدورات ديال كوب دافريك، وان المنتخبات قوية، والحلم ديالو يربح لاكوب للمرة الثانية حيث غيكون انجاز تاريخي بالنسبة له.
وتحدث ساديو ماني وقال فحوار مع موقع الاتحاد الافريقي لكرة القدم: "القضية ما ساهلاش وعارفين هذا الشي، وغنمشيو نديرو اللي فجهدنا وندوز تور بتور، وغتكون المنافسة قوية، غتكون هذه النسخة من أقوى النسخ ديال كوب دافريك، حيث كاع المنتخبات الكبيرة مشاركة وكل واحد فيهم عندو هدف ديالو وغنشوفو شنو غيوقع".
وكمل ماني: "التتويج بكأس أفريقيا هو احسن انجاز ربحت فحياتي، واذا عاودت ربحت هذا اللقب للمرة الثانية غيكون انجاز واعر وكبير بالنسبة ليا، وكان اللعب فالكان حلما عندي من الطفولة وغنديرو جهدنا، واذا ربحنا لاكوب راه زوينة لبلادنا".