زعما يرجع لأوروبا..؟ البارصا باغيين ياسين بونو

كشفت تقارير إعلامية أن البارصا باغيين يجيبو الدولي المغربي ياسين بونو حارس مرمى الهلال السعودي يلعب معهم، فبلاصة الألماني تير شتيكن اللي توعت.
وحسب جريدة "سبورت" الإسبانية فالبارصا كيفكرو يسنيو مع ياسين بونو كول الهلال السعودي، وباغيين يغريوه بالعودة لأوروبا للمنافسة على الألقاب الأوروبية والبطولة الإسبانية.
نفس المصدر، وضح بلي ياسين بونو خيار بالنسبة للبارصا، وعندهم خيار آخر هو الإسباني دافيد ديخيا الكول السابق لمانشستر يونايتد، وهذا ما غيكلف والو حيث متاح فابور عكس بونو اللي عندو عقد مع الهلال السعودي، وكاين حتى الفرنسي هوكو لوريس.