ياسين بونو قلب على ريال مدريد.. النجم المغربي مركز مع بايرن ميونيخ اللي رجعو للتفاوض مع إشبيلية

قرر النجم المغربي ياسين بونو حارس مرمى إشبيلية الإسباني يقلب على ريال مدريد، بعدما بدا الأخير كيتفاوض من كيبا أريزابلاكا الكول ديال تشيلسي، لتعويض الحارس البلجيكي تيبو كورتوا اللي توعت.
وحسب جريدة "أس" الإسبانية، فياسين بونو رجع كيركز على عرض بايرن ميونيخ الألماني ومحاولات الأخير باش يسني معه، وهذا الشي بعدما قرر ريال مدريد يقلب وجهو على التعاقد معه بسبب شروط إشبيلية اللي باغيين كثر من 20 مليون أورو، وكذلك فريال مدريد ما عجبهمش الحال أن بونو يغيب عليهم لمدة شهر أو شهر ونص فكأس إفريقيا المقبلة ما بين يناير فبراير 2024.
نفس المصدر، أكد أن بايرن ميونيخ الألماني رجع كيحاول مع إشبيلية وعندو خيار واحد هو يسني مع ياسين بونو خلال هذا الصيف، بعدما كان عطى 15 مليون أورو للفريق الأندلسي، مقابل أنه يحصل على خدمات بونو ولكن إشبيلية رفضو وكيطلبو كثر من 20 مليون أورو، وراه بداو بايرن فالمفاوضات مرة أخرى معهم، ولا كيبان لهم ياسين بونو خيار للسنوات اللي جاية حيث الكول المخضرم نوير اللي موعت عندو 37 عام وحتى إذا رجع بعد الأشهر المقبلة راه صعيب يكون فالفورمة وأنه يطول فالحراسة بسبب عامل السن.