بايرن ميونخ حتى هو باغي ياسين بونو

كيبان أن الدولي المغربي ياسين بونو كول إشبيلية الإسباني، صبح قريب يمشي لفريق آخر، حيث من غير أن باريس سان جيرمان الفرنسي دخل كيتفاوض عليه، بان فريق آخر كبير فأوروبا حاط عليه العين، والأمر كيتعلق ببايرن ميونيخ الألماني اللي محتاج لحارس مرمى.
وكشفت تقارير إعلامية ألمانية اليوم الاحد، أن بايرن ميونخ الألماني كيسعى إلى ضم المغربي الدولي ياسين بونو حارس مرمى إشبيلية الإسباني، وحسب محطة "شبورت 1" الألمانية، فبايرن ميونخ بدا كيدوي معالحارس المغربي مول 32 عاما.
ومحتاج بايرن ميونيخ الألماني، لكول بشكل عاجل، حيث الحارس الدولي الألماني والكابيتان د الفريق مانويل نوير مازال موعت وما براش، فالوقت اللي كتقول فيه المؤشرات بلي الحارسين يان زومر وألكسندر نوبل باغيين يمشيو باش ما يبركوش فالاحتياط.