مات غير بالخلعة.. جابوني سكت ليه القلب بعدما دار أكبر تنقيزة في العالم

مات واحد السائح جابوني، عندو 56 عام بعدما دار أعلى تنقيزة "بانجي" في العالم من برج ماكاو في الصين.
على حساب ماقال جورنال "نيويورك تايمز" الميريكاني، فهاد الراجل هزوه للصبيطار نيشان بعدما قاليهم أنه بدا كيتخنق، ومن بعد مات ليهم تما، بعدما دار التنقيزة من العلو ديال 232 ميترو.
الصحافا دالشينوا كتقول أن السيد ماتعرض لحتى شي إصابة، ولكن كيبان ليهم أنو مات بسباب الخوف ديالو.
من بعد هاد الحادثة الخايبة، قالت شركة Skypark by AJ Hacket لي كتنظم هاد التنقيزات في الشينوا، أنه خاص الناس لي بغات تدير هاد التنقيزات أنها تكشف على الحالة الصحية ديالهم قبل مايجيو يديرو هاد المغامرة.