مول منصة "إكس" شعل وخسر الهضرة.. إيلون ماسك كيرد على الشركات لي بغات تبتزو بالإشهارات

خرج ليها الملياردير الميريكاني المشهور، إليون ماسك، نيشان، وسب الشركات الميريكانية العملاقة بكلمة خاسرة فواحد المؤتمر ف ميريكان، بعدما هددوه بأنه غادي يحيدو ليه الإعلانات ديالهم من موقع "إكس".
هاد التهديد ديالهم جا بعدما توجهات لإيلون ماسك اتهامات بأنه كيعادي السامية بسباب الموافقة ديالو على شي آراء على ليهود، والهجرة ديالهم لأوروبا وأمريكا.
وفي الوقت لي سول فيه الصحافي ماسك على هاد التهديد ديال الشركات العملاقة، مترددش مول شركة تيسلا ورد عليه: "بغاو يبتزوني بالإشهارات؟ بالفلوس؟ يمشيو ي*** راسهم"، وعاودها بزاف ديال المرات.
وتوقفات 200 شركة ميريكانية كبيرة على الإشهار في موقع إكس أكبرها آبل وديزني وآي بي إم.
وواخا اعتارف ماسك بأن المنصة تقد تتعرض للإفلاس بسباب هاد المقاطعة، إلا أنه رفض يقبل بالابتزاز.